ग्राहकांच्या अपेक्षांमध्ये बदल होत आहे…

जाहिराती करणाऱ्या लोकांचा एक सर्वसाधारण समज आहे, महिलांची आकर्षक छायाचित्रे छापलेल्या वस्तू विकल्या जातात. मग सॉफ्ट ड्रिंकपासून पेनांच्या जाहिरातींपर्यंत सगळीकडे तोकड्या कापड्यातल्या मॉडेल्सचा सर्रास वापर होताना दिसतो. प्रॉडक्‍ट्‌सशी स्त्रियांचा संबंध असो नसो, पुरुष ग्राहकाने त्या वस्तू घ्याव्या यासाठी बाईचा वापर हा जाहिराती बनवणाऱ्या मंडळींचा प्रचलित मार्ग असतो. त्यात बदल करावासा सहसा कुणाला वाटत नाही. पण, आता ग्राहकच या प्रचलित मार्गाला कंटाळले आहेत बहुदा.

तोकड्या कापड्यातल्या मुली बघण्यात आता फारसं नावीन्य राहिलं नाहीये किंवा वस्तू विकत घेताना त्या जाहिरातीत बाई कशी दाखवली गेली आहे यापेक्षा त्या वस्तुचा दर्जा जास्त महत्त्वाचा असतो हे शहाणपण आलं असावं. कारण, काहीही असोत ग्राहक वेगळं काहीतरी म्हणतायत असं युनिव्हर्सिटी ऑ इलिनॉईसमधील जॉन विट्‍र्झ यांचं सर्वेक्षण सांगतंय. जवळपास 900 जाहिरातींचे सर्वेक्षण करण्यात आले होते. या सर्वेक्षणात असे दिसून आले की पूर्वीप्रमाणे लोक आता सेक्‍श्युअल अपीलकडे बघून वस्तू खरेदी करत नाहीत. वस्तू खरेदी करतानाचे ग्राहकांचे निकष बदलले आहेत. निव्वळ काहीतरी सेक्‍श्युअल कन्टेन्ट जाहिरातीत आहे म्हणून वस्तुची खरेदी करणारे ग्राहक शून्य टक्के असल्याचंही या सर्वेक्षणात लक्षात आलं आहे. इंटरनॅशनल जर्नल ऑ ऍडव्हर्टीझिंगच्या ऑनलाइन पोर्टलवर हे सर्वेक्षण तपशिलाने देण्यात आलेले आहे.
– प्रतिक गंगणे, पुणे  http://www.dainikprabhat.com