अतिविचारांनी जगण्याचा तोल बिघडतो

अतिविचारांनी जगण्याचा तोल बिघडतो

काहीतरी घडते आणि मग आपण त्याचा नको तितका विचार करत बसतो. आपल्या आयुष्यात अनेकदा असे घडते. कुठल्याही गोष्टीचा अतिरेकी विचार करण्यामुळे  आपल्यालाच मानसिक आणि शारीरीक त्रास होतो. अनेकदा त्यातून निर्माण  झालेली भीती आपल्या मनात खोलवर रुजून बसते. तुम्ही त्या गोष्टीचा विचार झटकून टाकल्याखेरीज भीती मनातून  दूर होत नाही. उगाचच नको त्या गोष्टीचा अनावश्यक विचार करत बसण्यामुळे  अनेकजण दुःखी असतात. आनंदी राहायचे असेल तर उगाच विचार करत बसणे टाळले पाहिजे. कारण, आपण जसा विचार करतो तितके गंभीर किंवा वाईट कधीच घडत नसते. पण आपले मन असे असते की ते वाईट घडण्याची शक्यता गृहित धरूनच जास्त विचार करत राहते. अतिरेकी विचाराचे धोके लक्षात घेतले, तर उगाच विचार करत बसणे आपल्याला टाळता येऊ शकते. 

१.  अतिविचारांमुळे  समस्या ही आहे तशीच राहते. अनेकदा समस्या गंभीर बनते. जोपर्यंत तुम्ही मनातून विचार काढून टाकत नाही, तोपर्यंत स्वस्थता लाभत नाही.

२.  समस्या सोडवण्यातील सृजनशील कौशल्य समस्येच्या अतिविचारांमुळे कमी  होत जाते. अतिविचारांमुळे  वैचारिक सृजनशीलता कमी होते.

३. अतिविचारांमुळे माणूस सतत चिंताग्रस्त राहतो. त्यातून मनात सतत नकारात्मक विचार येतात. भविष्याबाबतही त्याचे मन नकारात्मक बनते.

४.  सतत नकारात्मक विचारात राहण्यामुळे वेळ वाया जातो. हातून चांगल्या गोष्टी घडत नाहीत. आपल्या आयुष्यात काही चांगले घडू शकते, आपल्याकडेचांगले गुण, कौशल्ये आणि गुणवत्ता आहे हे माणूस विसरून जातो.

५.  आयुष्यात चांगले करण्याचे बळ अतिविचारांमुळे वाया जाते. चांगल्या गोष्टींऐवजी तुमचे लक्ष नकारात्मकाकडे  जाते.

६.  अतिविचारांमुळे नसलेल्या समस्यांविषयी मनात विचारचक्र सुरू राहते. जर असे झाले तर किंवा तसे झाले तर काय होईल अशा न घडणाऱ्या  घटनांबाबत विचार सुरू होतात.

७.  काहीवेळा अतिविचारांमुळे व्य्नती संताप व्य्नत करते. तिला भीती वाटते. तिच्या मनात मत्सर, द्वेष, नकारात्मक  भावना निर्माण होतात. त्यामुळे  जगताना कधीही कुठल्याच गोष्टीबद्दल अतिविचार करू नये. टोकाचा विचार तर कधीच करू नये. कारण,आपल्या आयुष्यात टोकाच्या घटना घडण्याची शक्यता फारच कमी असते.